أستراليا تقرير عن سفر الي استراليا ومعلومات عنه واجمل الصور

أستراليا تقرير عن سفر الي استراليا ومعلومات عنه واجمل الصور

هنقدملك معلومات عن السفر لــ استراليا وتكلفة السفر وافضل الاماكن واستخراج التاشيرة وسعر الرحلة كل دا وصور جميلة جدا لاماكن في استراليا فتابعو معنا …

 

الكونغو الاسترالي
الكونغو الاسترالي

مدن استراليا

بعض من اشهر مدن استراليا التي تعد من افضل الاماكن السياحية اللي ممكن تزورها في رحلتك

  • سيدني
  • كانبرا
  • ملبورن
  • بريزبان
  • غولد كوست
  • بالارات
  • برث

 

السياحة في استراليا

 

جمال شوارع استراليا
جمال شوارع استراليا

هنتكلم معاكم عن السياحة في استراليا في مجموعة من النقاط بحيث اننا نقدر نقدم ليكم المفيد في الكام نقطة التاليين :

 

تكلفة السفر والسياحة في استراليا

التكلفة 60000  التاشيرة بتتقدم اون لاين وانت ف البيت وبتتراجع في استراليا ويترد عليك خلال 28 يوم ( انا جالي الموافقة بعد 17) اهم حاجة اوراقك مظبوطة ومش لازم مبلغ مالي كبير المهم يقتنع بسفرك مش اكتر
حجزنا طيران ع الإمارات والتكلفة كانت (20000) مصري
ترانزيت كان دبي – سيريلانكا – سنغافورة
طيران الامارت كان تجربة جميلة جدا جدا سواء معاملة او نضافة او اكل غير بيديك نقاط مشتريات بقيمة 1500 جنيه مصري
جهة الوصول كانت ملبورن والبلد مصنفة من احسن دول العالم للعيش فيها هيا فعلا تستحق

 

الشعب الاسترالي والخدمات في استراليا

الناس في استراليا
الناس في استراليا

# العنصرية هناك منعدمة _ترحاب شديد من اهل البلد _ متعاونين لاقصي الحدود والابتسامة مبتفارق وشهم
# عدا العقارات البلد رخيصة جدا جدا جدا في كل حاجة سواء اكل او شرب او ملابس او فسح حتي عملتها اغلي مننا ولكن برده ارخص من مصر في كل حاجة
# البلد منتجاتها مختلفة عننا ف كل حاجة ف حاول تشتري كل اللي تقدر عليه
# معلوماتهم عننا صفر (هرم و ابو الهول و خيم و صحرا)
# الترام هناك مجاني جوه البلد
# النت واي فاي مجاني ف البلد
# البلد هناك منظمة لابعد الحدود
# مفهاش مزارات سياحية كتير زي اوروبا ولكن بتتميز ب النضافة فوق الوصف والامن ومفيش عنصرية
# طول الرحلة محدش سالني انت رايح فين او باسبورك.. حتي ف المطار محدش خد الباسبور وبيختمش عليه انت مجرد بتمشيه ف ماسح ضوئي وتخش البلد ع طول

التنزه في استراليا

# المحلات بتقفل الساعة 5 بعد كده بتبتدي الحياة الليلية واماكن السهر لحد 4 الفجر
# دلوقتي الشتا بيتبتدي عندهم بس الجو معقول مش برد اوي
# عدد المتاحف قليل جدا بس عندهم حدائق كتير جدا جدا
# لازم تروح الاكواريوم و حديقة الحيوان وشط سانت كيلدا
ورحلة بتستغرق يوم تشوف رحلة اسمها (طريق المحيط العظيم)
# لازم تطلع الجبال هناك كلها غابات وتشوف تنوع الحيوانات هناك
# مجرد انك تتمشى في البلد لوحدها متعة لانها بلد هادية وهواها نضيف وناسها نضيفة
# بيعتزوا ببلدهم جدا وكل منتجاتهم بيبقوا كاتبين بخط عريض صنع ف استراليا
انا بحكي عن مواقف شخصية واللي عشته ف الكام يوم كانت كلها مواقف ايجايية
وبتكلم علي اسعار انا دفعتها واشتريت بيها مش مشكلتي ان البنزين غالي ولا مصاريف مدارس الاولاد غالية او الايجار لان دا تقرير سياحي مش معيشة
من الحاجات الإيجابية في مطار ملبورن ان في محجبات شغالين هناك ودي استغربتلها جدا
المطار سرعة انجاز خروجك منه كانت قياسية اخدت بالظبط نص ساعة من نزول الطيارة لحد تاكسي برا المطار
زي مقلت ف جزء مواصلات مجاني ف وسط البلد غير كده المواصلات بيبقي ليها كارت واحد بس بتستخدموا ف كل حاجة وبتشحنوا ل كل يوم استخدام

 

معلومات عن استراليا ومدنها

# التاكسي هناك غالي جدا جدا انا دفعت 120 دولار من المطار للفندق والمسافة مش كبيرة اوي
# العايشين هناك قالوا ف عنصرية و اكيد كلامهم صح بس كل مواقفي حصلت مع كذا واحد وكلهم قاموا بالواجب والمساعدات من غير م يستني شكر او فلوس
# الناس هناك زحمة بس منعزلين كل واحد ف حاله
# اسعار مستلزمات الاكل والشرب رخيصة فوق العادة
الدقيق بخمسة وسبعين سنت والعسل ارخص من مصر بس الجبن كانت اغلي بس فوق طعم كبير طبعا
# لو واحدة راحت هناك هتخلص كل فلوسها شوبنج لان الاسعار ف مول الاوتليت DFO رخيص جدا
# الملابس والاكسسوريز والنظارات رخيصة جدا
# المرور هناك والالتزام حاجة فوق مستوي الوصف
# وفي ملبورن فوق 600 مدرسة ابتدائية و170 مدرسة ثانوية حكومية
إضافة إلى العديد من المدارس الخاصة.
وهناك ثلاث جامعات و16 كلية وبعض الكليات التقنية المتقدمة
# ملبورن المركز الإداري والتجاري لولاية فكتوريا،
وتضم 30 % من مصانع أستراليا
وهي الميناء الرئيسي ومركز المواصلات لولاية فكتوريا،
وف منطقة ملبورن الحضرية مايزيد على 8,000 مصنع،
منها الصناعات الثقيلة ومصافي النفط بالقرب من مرافق الميناء،
وتنتشر الصناعات الصغيرة وصناعات الأغذية والمشروبات والملابس والأحذية والطباعة والورق عند أطراف المدينة وفي الضواحي.
# يتم النقل داخل المدينة، وفي الضواحي بالقطارات الكهربائية،
وذلك من خلال مايزيد على 100 قاطرة
وتعمل الحافلات الخاصة على 240 خطًا،
وترتبط المدينة بالضواحي بشبكة من خطوط القطارات الكهربائية التي تسير تحت الأرض.

# الشجر الشجر
البلد كلها شجر وخضرة مفيش حتة فاضية خالص كل حواليك مناظر خضرة مبهجة جدا
# لازم تروح برج يوريكا دا اكبر برج هناك بتطلع الدور ال 88 َتتفرج ع ملبورن من اولها ل اخرها ف منظر فوق الرائع وتكلفتها 25 دولار استرالي متهيالي
# من الحاجات الكويسة هناك مكتوب ع علب البيتزا ان الاكل لو معجبكش تعالي وهنرجعلك فلوسك كاملة او نغيرلك طلبك
# ماركت سفن اليفن منتشر هناك بكثرة وهتلاقي معظم اللي تعوزه هناك بس اهم حاجة مشروباته الساخنة لازم تجربها
# لازم تروح الشط وتتفرج على المحيط مختلف تماما عن بحرنا ولو ليك ف الغوص ممكن تجرب
# البلد فيها اي حاجة تتخيلها لو عاوز تاجر هليكوبتر تلف بيك هتلاقي ف حديقة بات مان لو عاوز تتعلم تسوقها موجود كمان ولو عاوز منطاد برده موجود
# اللي لاحظته ان معظم الجنسيات التانية وخصوصا دَل شرق اسيا متمركزين ف وسط البلد وبياجروا شقق ويتكتلوا جوه شقة واحدة واهل البلد عايشين ف الضواحي بره
# اهل البلد مبيحبوش بتوع شرق اسيا بشكل عام بيحسوا انهم جايين يحتلوا البلد وبفرضوا اسلوبهم
# اي تاكسي هناك يبقي اكيد سواق هندي واكيد هيرغي لحد ك تزهق
# ف الاخر هيا بلد جميلة جدا ومختلفة عن دول اوروبا ف حاجات كتير بالرغم من البلد كش ثرية اثريا او عندها تاريخ و حضارة ولو روحت استراليا لازم تيجي هنا
انا بتكلم بوجهة نظر سياحية.. قعدت هناك لمدة كام يوم فقط لاغير
لان المقيمين هناك عندهم وجهة نظر مختلفة من حيث العنصرية والتكاليف المعيشية واكيد هما صح عشان عايشين هناك
بس انا بحكي اللي شفته واللي صرفته هناك

 

 

 

 

مجموعة من اجمل الصور عن استراليا

الشجر في استراليا
الشجر في استراليا

 

كوبري استراليا
كوبري استراليا
الطبيعة والشواطي في استراليا
الطبيعة والشواطي في استراليا

 

 

الطرق في استراليا
الطرق في استراليا

 

الجريفتي في استراليا
الجريفتي في استراليا

 

 

 

قارة أستراليا , مناخ استراليا , عدد سكان استراليا 2017 , خريطة استراليا , معلومات عن استراليا بالانجليزي , مساحة استراليا , استراليا سياحة كويتيات , السياحة في استراليا 2017 , السفر الى استراليا سياحه , السياحه في استراليا المسافرون العرب , السياحه في استراليا سيدني , الاماكن السياحية في استراليا , تقرير سفر الي استراليا

Leave a Comment